A Cabreta é unha casa do rural catalán, localizada na comarca do Cabrerès, ás faldras  do Santuari de Cabrera onde quedan os vestixios do castelo do mesmo nome, na Serra de Collsacabra.

Alí está a orixe da paixón pola gandería extensiva, polo pastoreo e a contorna natural excepcional desta zona do prepirineo catalán. Alí se practica a gandería familiar, co gando fora todo o ano, a 950 metros altitude nos pastos permanentes dunha das zonas máis húmidas de Catalunya. Esta é a orixe do nome e o perfil das montañas que atopas no logo desta gandería.

Os devenires da vida fixeron que no 2009 se iniciara a gandería extensiva cun rabaño de cabras, do que se aprendeu moito en manexo e xestión destes animais. Acadouse un censo de 250 cabras manexadas completamente en extensivo. Co paso dos anos e o incremento da experiencia, incorporáronse ovellas ao rabaño e, finalmente, no 2015 decidiuse prescindir das cabras e centrarse na cría de cordeiros.

Dende o 2018 contase con machos puros de raza Texel traídos de Francia para a cubrición das ovellas, recriando unicamente animais da propia explotación sen introducir ovellas de fora. Por iso, a día de hoxe o nivel de pureza do rabaño é o máis elevado en Galicia.